梁漢文自保一眼關七

梁漢文：聽到阿Paul細佬受傷都替佢擔心，希望佢冇大礙。回想上次自己在內地夜店有人生事，最後能安然無恙都算好彩。可有防禦自保方法？一定要金睛火眼，一眼關七，識得「執生」先得。

張敬軒：試過初出道時喺內地演唱，有個男觀眾捉住我隻手，然後叫班朋友過嚟影合照同握手，好彩保安眼快即刻將我攬走「解圍」。而防禦方法其實係零，好似阿Paul咁有演出經驗，但意外就是意外，惟有小心為上。

王菀之：經常都有返內地演唱，幸好都未遇過嚴重嘅醉酒客鬧事，而且現場都會有保安，我嘅最佳防禦方法就係有危險就要「走為上着」。

姚樂怡：通常我會要求保安圍實整個台，唔畀任何人衝上嚟，又帶男助手同行保護，book定中港車一唱完即刻走，如果真係太夜走唔到，我都會留喺酒店房以防出事，甚至會同男助手同房分床瞓，有咩事多個照應嘛。

姚樂怡內地登台，請定男助手跟身保平安。

張敬軒與王菀之常到內地演出，亦擔心人身安全。