朱茵男友突失蹤嚇到手震

朱茵憶述前晚與Paul通電話時一度失去聯絡，令她十分擔心，她說：「我都係睇微博先知，真係嚇死！即刻打畀Paul，當時佢話：『依家喺醫院，冇乜嘢，但細佬流咗好多血，見骨……。』跟住電話就斷線，我驚到手都震埋，之後再打又冇人聽，好彩佢send番訊息話冇事，但我諗佢哋當時都好亂，我惟有幫大家祈禱，令個人平靜啲，夜晚先瞓得着。」

據了解Paul和弟弟昨早已返回香港，並立即入醫院接受治療，朱茵透露阿其傷勢頗為嚴重，她皺着眉頭說：「應該要縫好多針，聽講佢當時流到成身都係血。」

問到會否叫Paul日後減少到大陸登台？朱茵表示相信只是個別情況，她說：「唔會，唔想評論，我諗每個地方都有機會發生，唔會因為咁而嚇怕咗。」