Sunday Girl：朱璇「男友」分居慘變宅女
華裔小姐朱璇繼電影《抱抱俏佳人》之後接拍無綫一套古裝劇集，由於家人都居於北京，故平時假日她都是一個人在家中，之前她與另一華裔小姐徐萌同居，現時則獨自住在無綫為她提供的宿舍。問朱璇星期日會做甚麼時，她說：「我好少出街，通常女仔都好鍾意shopping、買靚衫，不過我唔鍾意，除非有嘢要買，唔係我都好少行街，我係『宅女』嚟架！最鍾意留喺屋企睇書。」
朱璇坦言曾試過很孤單，更不禁喊了起來：「之前同徐萌住咗兩年，後尾佢搬開住，我感覺好似冇晒啲好朋友一樣，好孤獨、傷心，可能平時乜都倚賴佢，佢喺屋企好似男人咁，換燈膽都係靠佢！」