瘦星星：陳嘉桓詠春瘦身線條動人
現年17歲的影壇新星陳嘉桓（Rose），憑甜美樣子加上33C驕人身材成為矚目新星。別小看Rose個子嬌滴滴就以為「好易蝦」，其實她十分硬淨！早前Rose演出電影《葉問前傳》與敵人大打出手，談到女生每日必講的減肥話題，學習詠春兩年的她直言詠春對熱衷修身的女士大有幫助：「我不嬲都係100磅左右，不過自從學咗詠春之後，發覺自己身材線條靚咗，因為詠春主要靠雙手去做動作，練得多對手臂都瘦晒，着晚裝騷手臂都靚啲，所以我覺得呢個係一個唔錯嘅keep fit方法。」
崇尚天然修身的Rose，從未服用減肥藥，因為她覺得對身體有副作用，所以運動是她修身的首選，Rose每星期會跑步兩次，加速新陳代謝。至於飲食方面，Rose從來不愛吃生冷食物，她說：「例如凍飲、魚生嗰啲都盡量避免，聽講飲凍嘢會易肥，同埋我覺得均衡飲食好重要，依家市面上推出有機食物，我覺得幾健康，煮得清淡少鹽有助避免水腫，加埋詠春同跑步，我相信對修身係事半功倍。」
陳嘉桓瘦身三法：
1.練詠春跑步
2.少鹽免水腫
3.戒生冷食物