寵壞你：葉翠翠美女一拖三型英靚
養狗近十年的葉翠翠，有三隻心愛牧羊狗陪伴而解救了她的寂寞人生，翠翠曾嘆謂：「如果我生命中冇咗呢三隻狗，唔知點算，一定寂寞死！」可想而知寵物的存在對人類如何重要。
翠翠兒時看電影《神犬拉茜》便瘋狂愛上了牧羊狗，直至有能力飼養，卻礙於地方有限，只好選擇迷你種牧羊狗，雖然狗隻體形縮小了，但其「英氣」猶在，翠翠覺得拖着三隻牧羊狗出街，煞是有型呢。
十年來擁有三隻牧羊狗，翠翠笑指第一隻名叫「Pokky」，至今已九歲：「起初佢返嚟時，我以為佢弱智，因為好多嘢都唔識，如上、落樓梯，去廁所都唔識，連醫生都話有可能，最後我用咗好大耐性教識佢所有嘢，依家Pokky好叻，識雜技添，好似畀手仲識分左右，又識碌地沙，所以我話Pokky即使走失都唔怕，可以街頭賣藝維生，哈哈！」
出外即牽腸掛肚
第二隻和第三隻約七至八歲，分別名為「博B」和「Chika」，翠翠對二犬都痛錫有加，閒時都帶齊愛犬散步，美其名是陪狗，其實是狗陪她，因為翠翠經常強調，如果她的人生冇了三隻狗，不知怎算：「佢哋三隻都好乖，唔使我擔心，反而在情緒方面會照顧番我，令到我好開心，唔會悶，如果我要出外拍嘢，真係掛死我o架，（狗仔會掛番你嗎，例如茶飯不思？）咁又唔會喎，佢哋繼續食好多嘢！」
信任主人的警衞
喜樂蒂牧羊狗也稱之為謝德蘭牧羊狗，很容易被認為是粗毛牧羊狗的小型種，加上其身材勻稱、漂亮，能夠成為優秀的家庭犬以及機靈的警衞犬。
喜樂蒂牧羊狗有着挺直的鼻樑，看起來聰明而靈巧，善良又忠厚，對於主人投以絕對信賴感，忠誠並且富責任感。此犬擁有多項特長，讓主人都忍不住加以疼愛。
喜樂蒂體形比粗毛牧羊犬小，擁有雙層毛既長且直，頭部周圍有醒目的鬃毛。其中常見有褐色、淡金黃和亮褐色。而褐色系是較常見的，並較受歡迎，「神犬拉茜」的外表即屬之。
文：影視組