樂基兒祝福舒淇開心得真愛
舒淇早前自爆當年與前男友黎明分手後患上抑鬱，前晚「黎明嫂」樂基兒（Gaile）、黃偉文、Joceyln與老公、楊洛婷等出席愛彼錶晚宴，Gaile大方談舒淇，祝福舒淇能開心找到最愛：「雖然我唔清楚件事，唔知真定假，如果佢有唔開心問題，我希望世界上所有女仔都開心，可以搵到一個令自己開心嘅人，如果搵唔到，自己都可以令自己快樂！」
享受拍拖過程
問Gaile當年與黎明拍拖有否不開心？她說：「每個名人拍拖都有故事，不論開唔開心，最重要係享受過程。（當年有冇因為畀傳媒跟蹤而掃興嘅事？）當然有，拍拖有好多故事，但唔係去分享同講，其實唔到死嗰日都唔知道自己有冇揀錯，究竟嗰個人啱唔啱自己！」Gaile自言已三十歲，黎明亦已四十幾歲，她不會介意丈夫的過去：「如果我係佢初戀咪仲好笑！」因開不開心也只是拍拖回憶的一部分。
為雯女做十弟
同場的黃偉文以一身豹皮GUCCI秋冬新裝出現，近日他忙於為「鄭九妹」鄧萃雯找台慶戰衣，希望到時令雯女靚絕出場，他說：「我成世人從未追看過電視劇，但近日睇《義海豪情》欣賞雯女嘅演技已成為佢嘅fans，幫佢搵衫真係講個『義』字，我唔介意做『鄭十弟』。」
有此一著：清雅美態
「黎明嫂」樂基兒（Gaile）向來衣着都有簡潔品味，昨日她身上穿的連身裙乃是西班牙品牌Loewe，白色設計完全凸顯了Gaile的清雅美態，而暗花圖案也帶點活潑。為了在平凡中展現不平凡，Gaile於腰間襯上幼belt，total look看來自然、舒服，絕對是穩陣中展現嬌美。
文：名人組