張慧雯倒灶嘆唔慣露肉

【蔡志豪天津直擊】今屆的國際中華小姐已誕生，昨日冠、亞、季軍得主岑麗香、陳美妤、張慧雯親臨天津金至尊珠寶公司接受后冠及權杖頒贈，同場嘉賓有郭羨妮及苟芸慧。

申請休學一年

期間，岑麗香大談得獎感受時，一時感觸眼濕濕。曾被視為奪標大熱的張慧雯參選時被指似苟芸慧，而苟芸慧以前亦曾被指貌似郭羨妮，三人湊巧同場，張慧雯坦言各有各優點、長處，被指似兩位靚師姐，坦言開心。她又表示向來對自己要求高，今次得季軍成績算不俗，但還可以做好一點，她謂：「我沒有失望，因為冠軍代表多倫多，我代表溫哥華，大家都係為加拿大爭光。」還有一年才大學畢業的她坦言校方表示可休學一年，隨時復課都可以。對於其身材成為焦點，她坦言：「我對Bikini仍然未克服到，以前做游泳教練、救生員都係着One Piece泳衣。」

張慧雯被指似苟芸慧（中），而苟芸慧亦曾被指貌似郭羨妮（右），三人恰巧同場，情景有趣。

張慧雯表示尚未克服要着三點式泳裝亮相。（資料圖片）

陳庭欣衰緊張

至於郭羨妮坦言三甲都是她心水，說到香港代表陳庭欣「斷纜」三甲不入，她說：「唔好咁講，佢好大壓力，之前見評判都緊張，輸係欠缺一啲笑容。」而苟芸慧亦指陳庭欣能夠入到十二名已好犀利，但都覺得對方表現略為緊張及不自然。陳庭欣賽後表示沒有失望，說到香港代表很少會沒獎，她謂：「冇話一定，證明TVB係公平。」