明星快拍：新八模Suki沉迷菲林機
自嘲為「小龍女」的「新八模」黃雪瑩（Suki），四、五年前開始喜歡攝影。雖然現在數碼相機發達，但她仍愛用菲林機影相。她指每次都很期待沖曬一刻，縱使不是每一張都稱心，但只要有一張滿意，那種成功感是無可取代。
「有次同朋友去山頂遊車河，未到山頂時就發現有個位個景好靚，就叫朋友停車去影。我覺得香港嘅夜景真係好靚，雖然好多高樓大廈，但從高處望又係另一個景象。」
「我好鍾意影天空，覺得個天時時刻刻都會有變化，就算係一舊雲，都有好多唔同形狀，好想捕捉到佢哋靚嘅每一刻。」
「呢張相我係用錯咗較黃嘅菲林去影，點知影出嚟嘅效果反而有驚喜。其實棵樹同天係綠色同藍色，但影出嚟就變成好似剩低啲樹枝，非常有秋意。」
「除咗影相，仲好鍾意化妝，覺得化唔同嘅妝可以有唔同感覺。呢兩張我係較滿意，紅嘴妝張相係啱啱先影，影完都覺得自己突然間成熟咗。」