黎燕珊慈善P六百萬裝身
黎燕珊重組「仁美清叙」後，將於本月九日率一眾亞姐舉行慈善派對，她昨現身中環揀珠寶準備當日「裝身」之用，獲珠寶商借出一套總值約六百萬元的翡翠鑽飾，立時閃爆全場。談到李妮已公開表示退會，黎燕珊坦承已接獲對方通知，並已將相關問題交予律師處理，她說：「咁都好多謝李小姐之前為個會所出嘅力，不過大家理念唔同，所以冇辦法。（有冇邀請佢出席派對？）一早請咗，不過佢到時應該唔喺香港。」
黎燕珊感激師妹翁虹自費返港支持，及邀得明道擔任特別嘉賓。她又透露屆時會有六件珍品拍賣，故要買重保險，而應屆亞姐競選，則會於慈善晚會當晚，頒發「民族服裝獎」。