阿嬌爆大鑊替阿Sa抱不平

最近有報道指摘阿Sa在法律上仍為「有夫之婦」身份卻高調公開與師弟陳偉霆（William）拍拖，其前夫則擔當默默守候的位置，將離婚責任全推到阿Sa身上。阿Sa經理人霍汶希（Mani）前晚率先留言：「不需氣憤，公道自在人心！」阿嬌亦謂：「你不說出離婚原因，對他已經算人（仁）至義盡了，錯不在你。」字裏行間暗揭離婚另有內情，此言一出，即惹來「博友」瘋狂回應並轉載。

怕煩急刪留言

昨日阿嬌現身新城電台宣傳，提到「人至義盡」一事，阿嬌說：「唔講啦，唔想搞大件事（替阿Sa不值？）係戥佢唔抵，清者自清，人哋講乜唔可以盡信，我都係見Mani回應先寫。（阿Sa叫你刪除？）唔係，佢都有打嚟，但已刪咗，怕敏感。」對「陳蔡戀」受敵，她說：「人哋（指阿Sa前夫）都有女友啦。（唔認喎？）我都係睇雜誌。最重要佢開心，佢又唔係同William結婚，唔犯法o架！唔回應喇，愈講愈衰，一陣又畀人寫。唔好意思我比較直，但冇諗過要傷害人！」

考慮「停博」

至於阿嬌另一位好姊妹鄭希怡（Yumiko）的緋聞化妝師男友Andy早前於微博留言稱職員Johnathan多次遲到及失場，決定終止合作，阿嬌以中間人身份留言望大事化小，卻惹來何韻詩前助手25指阿嬌非身處其中而掀起罵戰。阿嬌昨說：「冇話撐邊個，唔想搞大件事，點知畀人寸。我冇提過阿詩同Yumi，但有人問我係咪同阿詩唔啱。」最近阿嬌在微博為好友們抱不平卻頻頻惹上是非，難怪她前晚留言：「好麻煩喔，我想微博這東西真不適合我。」更考慮「停博」。

此外，阿Sa現任男友William繼續與阿Sa微博傳情。阿Sa昨日在微博表示向晴朗的一天出發，暗示感情生活揭開新的一頁，William即留言道：「終於完成一整天的工作回家，心中放晴，不怕風吹雨打！」實行與女友風雨同路，甜到漏！

採訪：音樂組