李妮有機生活博生優質B
「有機生活」一早成為都市新潮流，前亞姐李妮貫徹健康生活原則，由吃到護膚用品一應俱全地「有機」，希望活得更自然，更遠離化學物品。
李妮最近經常將「有機」掛在口唇邊，她說：「人應該多啲接近大自然，唔好咁物質。」
原來李妮很早已開始自己種植，辣椒、苦瓜、葱、雞尾草她都會種，她說：「苦瓜由種子開始半年已經有收成，辣椒用嚟調味，辣椒葉都可以煮嚟食，由無到有種到出來，真係好有滿足感，同埋用自己種嘅嘢畀心愛嘅人食，好開心。」
面對面分享有機
除了食得有機，李妮亦用得有機，她直言經朋友介紹開始用有機護膚品，並開始着手找店舖做代理，李妮說：「我想多啲人可以認識到有機嘅好處，諗住將來會自己落手落腳去舖頭同大家傾偈，仲會自己炮製有機茶同有機蛋糕，總之就係面對面同大家分享。」
夫妻需要新衝擊
李妮笑說老公亦和她一樣追捧有機，代理了有機大閘蟹，問到兩人何時計劃生兒育女，李妮說：「我哋考慮緊，都好大機會生o架，呢個係好大嘅工程，決定咗就要一齊去面對，有個小朋友都係好開心事，兩個人生活很耐都要啲新衝擊。」
文：影視組