Ella百無禁忌棺前瞓覺

Ella與Teddy於電影《東風破》同演義莊職員，不時要接觸屍體，部分更是死去逾百年。對於普遍的中國人來說，義莊是個陰森恐怖的地方，連Ella起初也有同感，沒料踏足拍攝實景時，卻發現與所想的有差異，笑指現場環境清幽，感覺很舒服。

泰迪羅賓遇怪事

為求心安理得兼拍攝順利，Ella於開工前也有隨劇組上香，不過沒想過鬼妹仔的她，卻於等埋位時一個舉動嚇窒在場工作人員，Ella笑謂：「嗰次等埋位太攰，所以咪瞓喺擺棺木嘅門口囉！不過即刻畀人叫醒，叫我唔好瞓喺度，因為個地方實在太舒服，仲邊度諗咁多嘢啫！」

相對於Ella的傻氣，Teddy於拍攝期間卻遇上怪事，他謂：「其實我唔太驚呢啲嘢，不過嗰日我拍場打理義莊嘅戲份，道門原本係半閂，但冇啦啦自己閂埋咗，依家都未搵到原因，真係唔知點解。」

不施脂粉演病人

在片中演一名任性女孩的Ella，自言小時候亦相當任性，只要渴望的事情，於不傷害別人大前提下定必爭取到底，如當年喜歡英文，便決定要到英國求學，還自行找學校，當一切準備就緒才告知父母。隨着年長，Ella笑指現時雖然如舊會爭取，但卻會多了牽掛。

至於首次與Ella合作的前輩級Teddy，亦大讚Ella表現專業，演絕症病人不施脂粉，戲中歌曲還自彈自唱，多才多藝，他說：「好難得有咁樣一個演藝人，我同佢好啱Key，大家一樣咁鍾意音樂，佢都有彈結他畀我聽，真係彈得唔錯。」

文：影視組

攝：劉智源

Ella服裝：Patrizia Pepe

髮型：Ritz Lam @ Hair Corner