廖碧兒暗撐陳豪爭視帝

廖碧兒（Bernice）昨日於1881為家用與生活商品品牌Waterford Wedgwood Royal Doulton開幕活動擔任嘉賓，大會還安排了一位男模與她扮演情侶，Bernice即一臉甜笑地跟男模扮作擁抱和親面。其他嘉賓還有汪詩詩、郭秀雲和張舒雅等。Bernice笑言跟男模扮情侶感覺得意：「我哋之前冇排過架，頭先聽司儀講我就即場做，覺得好新鮮。（如果司儀叫你哋錫錫呢？）個男模真係問我要唔要再kiss，佢想嚟真，我聽完淨係識得笑，因為唔可以擰頭。（如果佢真係錫落嚟呢？）擰歪面囉，唔知，我未遇過。（司儀笑你鍾意飲咖啡喎！）其實我飲好多茶，我好傳統o架！」

冇提名感覺輕鬆

今年視帝競爭激烈，問到Bernice是否力撐緋聞男友陳豪，她即表示除了陳豪，也支持她口中的兩位阿哥黎耀祥和林峯，Bernice說：「陳豪都有機會，但祥仔嘅noise會大啲，阿哥套劇真係好睇。（咁你咪兩難？）三個呀，林峯都係我阿哥，三個我都支持。（唔驚陳豪呷醋？）我個個都撐，都支持，我只係其中一個觀眾。」今年沒有獲提名的她自言感覺輕鬆也沒有壓力，近年雖然少了拍劇，但卻拍了不少電影，演奸角和打女，在演藝發展上有更多空間。

陳豪	廖碧兒同男模親面，交足功課。

詩詩帶子女探班

另外，汪詩詩早前帶同一對子女到雲南探老公甄子丹班，她看見老公拍戲亦戥老公辛苦，所以會準備老公至愛的大閘蟹和靚湯待老公享用。詩詩又透露女兒Jasmine見到爹哋滿身假血漿即指爹哋很dirty，不肯給爹哋錫。

郭秀雲（左）與張舒雅盛裝出席活動。

汪詩詩早前往雲南探班，戥老公拍戲辛苦。

文：名人組