何紫綸衝出香港樂做MaggieQ影子
模特兒何紫綸（Ann）去年與張栢芝胞弟張豪龍分手，兩人一直維持好友關係，近日有傳兩人再次撻着，Ann受訪時笑指緣分要再來也擋不了，未有否認復合一事。另被指貌似Maggie Q的她不單止不介意，更坦言對方是自己模仿對象。
Ann與張豪龍拍拖七年，兩人一度到達談婚論嫁的階段，惟最後都因性格不合而分手，其後Ann一直單身未有新對象，另邊廂又繼續與豪龍保持友好關係，直至近日再度傳出兩人復合。對此Ann沒有作否認，她說：「將來嘅事冇人知，我只可以講我同豪龍大家都好愛錫對方，好關心對方，同埋有時緣分要走留唔住，要再來都擋唔住！」
信主後心靈滿足
Ann初出道時被指貌似Maggie Q，對於成為別人的影子，Ann從容地說：「我唔介意，佢發展得咁好，簡直係我模仿對象啦！」Ann說近年信了主，心靈上獲得前所未有的滿足：「信咗主後，個人睇化咗好多，學識點樣寬恕同包容，我唔係好貪心，唔係想要大紅大紫，只要一日有工作做，我都會開心去做。」
最近她簽約成為衍生行旗下代言人五年，工作一浪接一浪，最開心莫過於可以衝出香港打入中國市場，她說：「大陸市場大，發展空間會大啲，又可以搵人仔，但最重要都係想幫到公司，因為佢哋真係好錫我！」
拒效法整容熱潮
感情生活方面，Ann坦言現在交往中，對方是圈中人，但暫未能透露對方身份，她甜笑說：「我只可以講依家好開心，有緣分嘅話遲啲大家就會知道係邊個。」此外，對於近期流行的隆胸整容，Ann揚言不會效法：「我一出道人人都知我係咩style，而且我媽咪一定好反對，我家姐紋身我媽咪都嬲到喊咗成個月，所以我一定唔會。」
文：名人組