G.E.M.拒為事業棄林宥嘉

為了低調處理感情問題，G.E.M.不肯公開承認男友林宥嘉身份，但每當提到林宥嘉，她總是情不自禁打從心底裏甜笑。有傳兩人手上戴着情侶繩，問她可試過穿情侶裝？G.E.M.說：「第一次拍拖時有用過情侶嘢，但唔記得係乜。（依家敢唔敢着？）我覺得工作、拍拖都係生活一部分，唔值得為一樣嘢而犧牲另一樣，我覺得係可以並存，我唔會介意人哋點睇，最緊要係兩個人開心。」

想設計自家品牌

身為波鞋Skechers品牌代言人的G.E.M.，希望將來可擁有屬於自己的品牌。她謂：「之前開演唱會，公司幫我出咗連串紀念品，好似帽、文具、電話繩、Tee等，全部有G.E.M.個名，新碟又會送銀包，將來有機會我仲想設計埋添，好似飾物、眼鏡、帽呢啲。」

G.E.M.形象健康，深受廣告商歡迎。	大情大性的G.E.M.，每個動作及表情都很可愛。	林宥嘉與G.E.M.已被外界視為一對。

與家人分享贈品

深受品牌寵愛的G.E.M.經常獲贈不同款式新波鞋及短靴，她會跟母親、妹妹分享。她說：「因為我哋三個嘅size差唔多，仲可以撈亂啲衫嚟着。」她笑言最愛品牌的高踭波鞋，因令她看來增高了。她笑謂：「着咗冇咁矮，平時着咗高踭波鞋同其他歌手嘅高度都差一截，唔着喺台度直頭見唔到我啦！」

文：音樂組

攝：秦健輝 場地：SML