許志安收埋愛情再衝事業

現時單身的許志安被「光纖之父」高錕與太太的愛情故事感動，他坦言入錄音室前感動到喊，要冷靜情緒才可埋位。

久未推出新歌的許志安，日前為新歌《忘了忘不了》拍MV。由於這首歌以「光纖之父」高錕與太太的愛情故事作藍本，所以安仔在一間學校取景，配合高錕與太太在校園邂逅的溫馨片段。

平復情緒才錄音

安仔說：「其實年初當我知道高錕先生嘅故事，雖然佢好多嘢都忘記咗，但佢冇忘記最愛嘅太太，兩個人好開心咁生活。佢哋嘅故事令我好感動，於是就邀請林若寧幫手寫，因為我哋都好尊敬高錕，所以歌詞方面改動咗幾次，盡善盡美。最後當我細味歌詞準備正式錄音時，忍唔住流出眼淚，要花時間平復情緒才可錄音。」

安仔今年的感情經歷很多風雨，與拍拖三年的女友Michelle分手，之後被揭與前助手「細佬」曾拍拖，最近又傳翻撻舊愛，他笑說：「我冇同任何人復合，依家單身，歡迎各位單身靚女約會我。（閃電結婚？）可能性好低，我享受拍拖。」之後他認真地說：「今日嘅我，愛情唔再放喺首位，亦冇結婚生仔壓力，反而想喺事業再衝，我對獎項仲有好大期望。」

文：專案組