栢芝反骨內情真相大白
張栢芝與導演爾冬陞（小寶）因檔期問題未能合作，令坊間出現了許多傳聞，有些更直指栢芝反骨，亦有傳她再懷孕，但原來有指小寶要求栢芝之後接戲的上映期定必要在《大魔術師》之後，此事令栢芝大感為難，合作才告吹。
栢芝復出頭炮，原定為跟小寶合作之電影《大魔術師》，更願意收友誼價，但最終因檔期問題未能成事，雖然件事已過了一段時間，但坊間依然傳言四起，有指栢芝反骨，見利忘義，寧接高片酬電影放棄小寶，昨日又有傳栢芝因懷孕而推戲，不過，昨有製作人爆料，指小寶要求栢芝接了他的電影，若再接其他新片，上映期一定要在他新戲之後。但始終上映期不是栢芝可以控制的事，令栢芝大感為難，但由於栢芝都很想與恩師再合作，但計落條數，栢芝之後拍的電影至少要在2012年才上映，在無計可施下，合作之事只好告終！
講心唔講金
對於小寶曾否開出以上條件，栢芝經理人周小姐只表示：「我覺得坊間傳栢芝無義氣，真係好好笑，係人都知栢芝最講義氣，如果唔係，點會馬楚成一叫佢客串新戲，佢就即刻應承，周星馳叫到，佢仲帶埋Lucas幫手，幾多廣告商想搵栢芝兩母子拍廣告，多多錢佢都未心動！」
強調冇懷孕
至於栢芝如今跟爾冬陞是否已經冇偈傾？周小姐則表示：「總之，錫栢芝嘅人一定有偈傾，我都唔想再喺同一個話題裏面糾纏，唔想畀人亂咁炒作，過咗去嘅嘢，冇必要成日提住。（有傳栢芝再懷孕？）一定冇啲咁嘅事，之後佢仲有好多戲要拍。」
文：影視組