唐詩詠怕冇人追急護形象

唐詩詠、麥長青（麥包）、洪欣等昨日為一間美容用品專門店擔任開幕嘉賓。詩詠昨否認翻撻崔建邦及與無綫藝人黃嘉樂拍拖等傳聞。對被指到崔屋企過夜，她帶點激動說：「有去佢屋企，但冇過夜，唔明點解仲摷出嚟講，有啲唔開心。（避忌？）keep住正常社交，時間可以證明，我都擔心嚇怕追求者，令人覺得我好笨。」她笑言要明年嫁富貴男友的好姊妹梁靖琪介紹好男人予她。