祥仔搵銀睇中二千萬獨立屋
黎耀祥、鄧萃雯和謝雪心昨日為酸枝傢俬店擔任剪綵嘉賓。近日祥仔頻頻出動搵真銀，但他透露因上半年忙拍劇，收入可能比去年少，現在要努力搵銀。祥仔透露一直心儀獨立屋：「睇過最少都要二千萬，未儲夠錢。如果遲啲先賣九龍塘就好，依家都升過千萬，當時都係平手八百萬放咗，自己賣樓向來都冇乜賺。」
祥仔認為今年「視后」是雯女和佘詩曼之爭，雯女表示：「多謝大家厚愛，咁我即係攞咗二分之一個獎啦，咁我造定半件衫出席先，不如今年增設兩個獎咪唔使爭囉。」講到有指雯女返大陸拍劇片酬高達四百萬﹖她說：「一時又話我冇工開，一時又話賺四百萬，總之唔好害到我畀稅局調查啦。」鄧萃雯又自爆怪癖喜歡嗅家具的木味。謝雪心對於《巾幗梟雄之義海豪情》收視普通，她未感失望認為收視會穩步上升。