周秀娜買重保險爆破戲自己嚟

周秀娜昨日率師妹新八模中的Mia、Jeana、Betrys出席數碼時尚用品店「MW」開幕活動，現場除有娜姐穿上tube dress展示電腦外，秦沛女兒姜麗文亦在現場獻唱。不過娜姐昨日行騷時險些出醜，由於身上的tube dress尺碼過大，因此裙身不時下滑，令娜姐要不時夾實裙身，並要黐上膠紙，但最終仍露出膠紙而穿崩人前。

甩裙賴冇試衫

事後娜姐解釋只是裙子size不合，被問是否上圍縮水？她笑說：「只係近日太忙，試衫都冇時間！轉頭又要去台灣試造型啦！（呢排瘦咗？）唔係，遲啲仲瘦！」

放大圖片	新八模Betrys（左起）、Mia、Jeana等特地跟師姐出席活動吸收經驗。

與蕭敬騰合作

娜姐表示近日接拍了一部台灣電影，新片更首次與蕭敬騰合作，片中亦不乏爆破場面，她說：「喺戲入面係做一個『人肉發電機』，套戲入面都有好多爆破場面！」問到她見到Selina因拍爆破場面而嚴重燒傷會否擔心？她說：「見到佢咁自己都要小心啲！件事令人好震驚好心痛，亦對佢造成心靈創傷！」至於會否買重保險？她說：「一定會買！（會唔會搵替身？）都未必吓吓搵替身！」

文：名人組