方珈悠恨做內衣Model

陳柏宇(Jason)師妹方珈悠(Jaime)推出性感寫真大獲好評,吸引不少廣告商招手的她揚言想拍內衣廣告!Jason表示已睇過寫真,雖然大讚夠索但笑言感覺怪怪!

方珈悠早前處女下海推出性感電子寫真,獲得不俗評價,問到是否想行性感谷人氣,她說:「係想除咗唱歌之外,有多元化發展,今次公司即興話出寫真,好開心反應唔錯!(再出?)自己想冬天拍,好似比較少人咁做。」師兄陳柏宇(Jason)表示已睇過對方的寫真,大讚正斗之餘卻表示怪怪哋:「我同Jaime太熟啦,佢就好似我個妹咁,睇性感熟女感覺當然好啦,但睇佢行性感硬係覺得怪怪哋。不過本寫真真係好正,影得佢好靚同埋形象夠多變!」

一向多人追

今次Jaime豁出去,在寫真中有不少大膽噴血造型,她笑指:「有朋友見到都好嘩然,問點解咁大膽都OK。」問到會否突然多了異性埋身,她搞笑地說:「冇,不嬲異性朋友都多,(對你展開追求?)都有嘅。」Jaime指推出寫真後多了不少廣告商洽商代言工作,而她最嚮往拍內衣廣告:「我覺得內衣廣告都拍得好靚同好華麗,未必一定係着Bra同Under,着束衣都好靚!自己一向好鍾意買內衣,試過以前喺加拿大,同朋友行內衣店行咗個幾鐘係咁試,真係幾瘋狂!」

文:專案組

攝:劉智源

髮型:Alex@P.O.P Hairdressing