李悅君爵士樂高手 唱入香港做新丁
金牌「陳李張王」的四位女新人各有特色，來自廣州的李悅君（Erika）居於上海，擅長玩爵士音樂多年，得過不少大獎，初到香港發展要由新人做起，她說：「香港人可能未認識我嘅音樂，做新人都好應該，同其他三個女仔一齊出碟都幾特別吖，每個人都有唔同風格，畀人耳目一新嘅感覺。」
Erika跟張敬軒一樣來自廣州，原來早已相識，她說：「大家都合作過一首歌，好好玩，張敬軒對音樂嘅追求令我好欣賞，方大同、王菀之都係好有態度嘅聲音，希望有機會合作。」
Erika透露已完成一隻廣東碟及一隻國語碟的錄音，萬事準備就緒，以音樂出擊，曾經得到師兄胡兵為她設計形象，又找來著名音樂人黃大煒做監製，她說：「一路上都有好多貴人，同佢哋合作學識好多嘢，希望我嘅音樂可以令香港人喜歡！」
化妝：Vincei Tsang
髮型：Jimy White@Chin G