婷婷下世老公預咗安志杰

謝婷婷昨日出席Inoa髮型騷活動，與名模Jocelyn及戴小奕示範最新髮型。婷婷接受訪問時髮型師Kim Robinson一直陪伴婷婷左右，婷婷指剪頭髮從來最信任Kim，她說：「由細到大只可以畀佢掂我個頭！」Kim聞言就即時搶說：「下一世要佢做我老婆！」搞到婷婷即場笑不停，婷婷笑言下世女人可能可以有多名老公，她指男友安志杰必是其一。婷婷又透露前晚母親拉姑生日非常開心，亦沒向她催婚，她更說：「佢好少飲酒，不過嗰晚都有飲！」又說：「總之哥哥帶埋BB一齊同佢慶祝生日就係最好嘅禮物。」
Kim拖到實婷婷，更笑言下世要娶她做老婆。
Kim拖到實婷婷，更笑言下世要娶她做老婆。

另外，前晚婷婷則與周秀娜出席moussy/SLY時裝派對，而婷婷一雙玉手忽然出現瘀痕，她解釋：「只係我搵鞋時，啲鞋跌晒出嚟，所以唔覺意整親隻手！」

Jocelyn性感上陣。
  • Jocelyn性感上陣。
婷婷（左）與周秀娜出席時裝活動。
  • 婷婷（左）與周秀娜出席時裝活動。