阿倫搞爛GAG賀李家傑做阿爸
版稅風波後，四大唱片公司分別與TVB以外電視台合作，有線適逢17周年前晚首度舉辦音樂會，邀請環球旗下的校長譚詠麟與樂隊Mr.作頭炮，並請來謝安琪擔任嘉賓，大部分娛樂新聞台主播亦盛裝出席，至於最近緋聞纏身的主持余思敏（Sammie）就只出現在海報上，大會解釋Sammie要在公司開廠故未有現身。席上，校長將Sammie緋聞擺上枱，而早前捲入桃色風波的Mr.主音布志綸（Alan）亦難逃主持迫供被玩命運，難得Alan大方謂未有為當日發生的事件後悔，還趁機反寸隊友MJ與DJ卓韻芝曾到便利店買避孕套而被揭發戀情。
望與TVB修好關係
譚校長稱會以SMS恭喜好友李家傑一索三男，又搞爛GAG回應對方找「代母」產子：「搵人咪好囉，好過真係搵『玳瑁』，雖然龜長壽。（羨慕？）我有呀，係咪有得揀仔？仔係咪分大份啲？講下笑啫。」至於唱片公司與TVB關係是否無轉機？校長就言：「唔知，李生依家有喜事，快啲水到渠成（指收購方案）咪有得見面囉。」
校長被問會否擔任娛樂新聞主持大爆秘聞時笑言：「寫本書你睇囉，叫《道聽麟說》，若要人不知，千祈唔好話畀校長知！守秘密唔辛苦，最緊要唔好人身攻擊，諗點樣玩人哋又唔嬲先考功夫，如果要主持，要搵埋曾志偉、陳百祥正牌福祿壽，不過都幾難搵到嘉賓。」
採訪：音樂組