高海寧咪神升呢玩健康

無綫藝人高海寧自從南非世盃講波後，除了性感女神一面令人注目外，更殺出一條主持人的新血路，形象更加入屋。

近期忙拍《民峰學院》的高海寧與林保怡主持的節目《健康奇案錄》出街後更被封為「健康女神」，她說：「節目出街後，好多人問我有關健康嘅問題，節目真係學咗好多醫學常識，我都會盡力解答，當然只係提議，都叫佢最好請教醫生啦！」

高海寧現在被封為「健康女神」，不時為友人解答健康難題。

高海寧笑言主持《健康奇案錄》的最大得着是跟林保怡（中）學嘢。

減少飲咖啡

拍罷《健康奇案錄》後高海寧坦言對自己身體認識加深，也迫令自己改善生活習慣，她表示：「好似以前為咗去水腫，每日都會飲幾杯咖啡，但飲得太多原來對身體唔好，依家規定自己每日只飲一杯，同埋要飲多啲水。」

高海寧指拍攝《健康奇案錄》另一得着是跟林保怡學習，她說：「同保怡合作學到好多嘢，好似自己一向有懶音，佢會好有心機教我點樣發音。我好驚NG，佢又會安慰我NG好平常，叫我唔使咁緊張，出嚟效果好就得！」

採訪：影視組 攝影：沈健程

服裝、場地：Miss Sixty

髮型 ：HAiR@Match