莫文蔚抱擁海風打冷震
莫文蔚（Karen）在沙灘上享受寧靜的孤寂，令穿上白長裙的Karen增添一份飄逸美，但原來鏡頭後Karen飽受寒風刺骨、冰冷海水的折磨，凍得她「起雞皮」。
Karen早前在昆士蘭一個被喻為世界十大最美的沙灘拍攝新歌《完美孤獨》MV，據她所知這個沙灘也是新婚夫婦的蜜月勝地，為避開雙雙對對甜到漏的人潮，攝製隊天朦光就坐船出發，Karen笑說：「我半夜三點摸黑起身化妝整頭，感覺真係有啲孤單。」
寒意入心
鏡頭前穿上白色吊帶薄紗長裙的Karen，獨個兒走在一望無際的沙灘，完全襯托出那份孤寂感覺，由於昆士蘭早晚氣溫相差很大，當時僅得十度左右，凍得Karen打冷震，她笑說：「唔係講笑，真係凍到起雞皮。」導演既要她躺在沙灘上，又要她浸泡在海浪中，寒意打從心底裏透出來，當導演一喊cut，助手即拿披肩、熱飲給她暖身。
享受單身
雖然Karen現階段感情仍交白卷，但作為時代女性的她，有時候頗享受孤獨的感覺，她說：「孤獨唔係一件壞事，你要識得去享受，有時一個人靜靜咁都好寫意。」Karen很喜歡這個蜜月沙灘，她說：「真係好靚，令人流連忘返，將來搵到另一半，都要同佢喺呢度浪漫一番。」
文：音樂組