周秀娜同性曖昧烤鴨傳情

周秀娜於新片《殭屍新戰士》內扮演入世未深的殭屍女，與蔣璐霞發展一段同性曖昧情，幸而關係交代得點到即止，火辣親暱場面完全欠奉。

談起今次的「同性愛」，周秀娜謂：「雖然佢（蔣璐霞）個樣好似好cool，但內裏天真、性格好小朋友，尤其欣賞佢細心，有次我話未去過北京、未食過烤鴨，估唔到過幾日，佢竟然由內地帶咗一隻烤鴨嚟畀我，好感動呀！」今次不少拳腳戲皆由她親身上陣，蔣璐霞還抽空向她傳授秘技，二人合作可謂相當愉快。

一度懷疑性取向

求學時期，周秀娜就讀女校，見慣斷背關係，曾有女生向她展開追求，令她也一度懷疑自己的性取向，及至遇上初戀男生，她才茅塞頓開：「冇心機返學，好注重自己嘅打扮，終於明白自己想要啲乜，總之男生保護到你嗰種感覺，女生點都做唔到。」

周秀娜十分重情，除男女之情外，對父親的親情更是「癡纏」﹕「拍戲返唔到屋企見家人，好彩所有拍檔都好錫我，尤其見到（錢）小豪哥，就令我諗起爹哋。爹哋雖然唔會講出口錫我，但佢竟然向媽咪討教，學煲湯畀我飲。」

再拍殭屍片的錢小豪，大讚拍檔前途不可限量。

身手了得的蔣璐霞，不時抽空指導周秀娜。

小豪不干涉景峰

廿年前擔演殭屍系列電影男主角的錢小豪，如今「捲土重來」，大讚周秀娜肯學肯做，非池中物。談到囝囝景峰早前決定入行，小豪說：「佢淨係打電話通知我接咗套戲，我個人嚟講梗係唔贊成佢休學啦，最起碼要讀完書先，不過呢啲嘢唔到我理，話晒佢跟媽咪，如果唔係太過分嘅話都唔應該出聲，怕傷感情。」而他八歲的細仔亦具演藝天分，尤其扮米高積遜跳舞，更令小豪引以為傲。

文：影視組　攝：沈健程

服裝：Joyrich

髮型：Lobo@Chin.G

化妝：Johnathan Yeung@make360.com.hk