DaDa墾丁初體驗煙花燒手
陳靜早前到台灣拍攝月曆照，卻因吃了海鮮導致皮膚敏感，幸最後無事，沒影響拍攝，而當她拍攝玩煙花照時，看似鎮定，但其實很驚青，更被煙花燒親手指尾！
陳靜（DaDa）早前去台灣墾丁拍攝其將於下月推出之個人月曆，當抵埗第一日，即去狂擦自己最喜愛的海鮮，怎料，導致皮膚敏感！DaDa表示：「墾丁嘅海鮮好新鮮，我當晚食咗好多蠔，點知第二日即刻皮膚敏感起粒粒紅點，令我好擔心會影響拍攝進度，好彩化咗妝唔係好覺，食埋藥之後又冇乜事，但跟住嘅行程就慘啦，見到其他工作人員食海鮮，我都要死忍，雖然好辛苦，但為咗順利拍攝，都值得嘅！」
好彩有買保險
DaDa從小到大都沒有玩過煙花，這次到墾丁當然要一償心願，而當她點着煙花拍照時，樣子看似十分淡定，但其實很驚青，她說：「對住鏡頭梗係要笑啦，我仲畀啲火花彈親手指尾，雖然好小事，但見住啲煙花係咁燒上嚟，真係驚o架！不過知道公司有幫我買保險，所以我都好放心。」
讚Selina堅強
日前台灣歌手Selina在內地拍戲被燒傷，DaDa表示看到新聞都感到很難受，DaDa說：「我誠心祝福Selina早日康復，佢係一個好堅強嘅女仔，而且咁多fans同朋友支持佢，佢一定會大步檻過。」
文：影視組