Toby目擊排骨爆缸面青嚇呆
梁靖琪（Toby）前晚目擊敖嘉年於劇集煞科宴上遭「爆缸」經過，嚇至目瞪口呆，但為照顧好友，事發後Toby即陪同嘉年前往醫院求醫，昨日她再到秀茂坪警署落口供；而有出席煞科宴的佘詩曼在事發後才到場，不清楚事件始末，昨日有SMS慰問嘉年。
以「Buddy」來稱呼敖嘉年的Toby，二人分屬好友，並常以girlfriend來介紹給友人，口口聲聲說要保護近期人氣勁升又瘦弱的「排骨」敖嘉年。前晚在《花花世界花家姐》的煞科宴上當Toby目擊「排骨」被「爆缸」過程，即嚇至目瞪口呆，雖未能及時護「骨」，Toby亦肩負陪他到醫院求診的責任，在醫院治理傷勢後已達凌晨三時多。
就當鴻運當頭
昨午Toby再到秀茂坪警署落口供至傍晚六時，素顏的她離開警署時疲態盡現，未有回答記者提問。事後她在電話中說：「交咗畀差人處理，我唔方便講，但我只可以話好心痛Buddy囉，成面血呀，好彩依家冇事，我同佢講係『鴻運當頭』啦！（嘉年被『爆缸』時你咩反應？）呆咗囉，我企喺佢身邊，我當時好shock（震驚）好緊張，我即刻陪佢去醫院，好彩冇事。」
阿佘唔知乜事
佘詩曼因睇草蜢演唱會而遲到煞科宴，於凌晨時分才到案發現場，未有看見事發經過：「係其他人話番畀我知發生咩事。（冼灝英還在場嗎？）我到時敖嘉年同冼灝英都見唔到，已經清咗場。（冼灝英飲咗酒？）唔清楚，但我都有SMS畀嘉年，希望佢早日康復。（佢兩個不和？）唔知咩事呀！」《花》劇演員袁偉豪昨日在嘉年的微博上以「Bless U are！」作祝福，他說自己不在場，沒有警方聯絡他。
此外，同場的崔建邦至截稿前未有回覆有關事件，日前他因醉駕出事，昨日凌晨他離開時，因飲了酒特別找友人代為駕車。昨日有指其花心性格不變，早前背着唐詩詠帶模特兒郭思琳返家過夜；問及唐詩詠時她說：「其他人的事，由其他人去回應。」並揚言自己有拖拍，一向有人追。
文：影視組