「排骨」工作大受影響

至於敖嘉年下午五時在警署落完口供後，再返回將軍澳電視廣播城與樂易玲會面，樂易玲接受電話訪問時說：「佢都傷得幾嚴重，個傷口好深，深到入神經，個面開始腫，佢話連睇嘢都痛，佢仲要返醫院洗傷口，將來仲要磨皮。」

問到無綫有沒有打算處罰冼灝英，如停工雪藏，樂易玲說：「我仲未見冼灝英，因為警方已經搵緊佢，就交畀警方處理先，而且事出突然，暫時仲未傾呢樣嘢，但會認真考慮一下呢個問題。」

對於敖嘉年工作問題，樂易玲表示由於他有份主演之《巾幗英雄之義海豪情》正值宣傳期，「排骨」有很多宣傳工作將受影響，而昨晚錄影之《善心滿載仁愛堂》亦未能演出，改由黃智賢頂上，本來兩日後敖嘉年要開始拍攝梁材遠監製的新劇，敖嘉年已跟梁材遠見面，材叔叫他安心休息，不要擔心工作。