瘦星星：高海寧三餐麥皮快速去腩
參選香港小姐時珠圓肉潤兼有副包包面的高海寧，今年明顯瘦身成功變成索女，連面容也瘦削了不少，證明只要有毅力，任何健康方法也一定成效。
高海寧的減肥方法由戒口開始，減肥初段更由早餐到晚餐，三餐也是吃麥皮填肚，她說：「麥皮要用滾水開，減肥效果最好，當然偶然會用脫脂奶開調劑吓，最初都覺得麥皮好難食，但係你上磅見到成績，慢慢就會接受到。之後其實又唔使餐餐麥皮，日頭會食啲清淡簡單食物，好似食碗麵、食碗粥咁，晚餐就食生果。」
高海寧在短期內減去十多磅豬腩肉，當然除了戒口外還要靠運動，她說：「雖然工作好忙，但都盡量抽時間去跑步，運動除咗減肥外，仲令個人精神好多，另外喺屋企會做呼拉圈收腰。」