寵壞你：李蘊家有兩老新添一寶
貓是高傲的，也是嬌嗲的，李蘊（Renee）就是喜歡貓的雙重性格。Renee新養的小貓骰骰，喜歡跟她去廁所，也喜歡爬高爬低，這樣一隻可愛的小貓咪，足以令身為平凡人的她樂翻天。
養小動物是一生一世，李蘊是一個愛貓之人，當然知道如何愛護小動物，可是她養的貓咪有兩隻已踏入耆老之年，總不能陪她一生一世，因此Renee最近從網上買了一隻配種摺耳貓，讓大貓小貓一起共度開心每一天。
靚到獸醫都想養
她說：「我新養呢隻貓咪叫骰骰，真係好靚，有次帶佢睇獸醫，連醫生都想據為己有！」雖然與骰骰相處日子不久，但已建立了極深厚感情：「佢真係好識氹我，成日都跟住我，最鍾意跟我去廁所，佢見我如廁就一定跟埋嚟，要我開門先唔再咪咪叫。」
學大貓擒高擒低
Renee表示，骰骰細細個就喜歡扮大貓，見家中兩隻大貓爬高爬低，自己就爬埋一份：「有次佢爬到好高，行唔番落嚟，搞到我都要爬高救佢，嗰次真係嚇餐飽！」
原來Renee對小動物有一份承諾，就是一生一世：「我覺得養小動物絕唔可以因為一時鍾意就養，到唔鍾意時竟將佢置之不理，我好鄙視呢種人，因為同殺人一樣，簡直就係不人道。」
摺耳貓溫和易相處
蘇格蘭摺耳貓因為性格溫和，幾乎可以跟所有類型的寵物相處，故有貓中和平大使的稱號，因為耳的軟骨部分自然突變至向前屈摺，而命名為摺耳貓。這天生有缺陷的貓種最初在蘇格蘭發現，其後於美國繼續繁殖，至今已繁殖出多個品種，分別有長毛及短毛，還有摺耳及豎耳的品種。
文：專案組