孫耀威上網維繫戀情
孫耀威（Eric）昨日出席apm舉行的活動，吸引數十歌迷捧場。Eric透露剛由杭州返港：「當地橫風橫雨，上到機等咗兩個鐘先起到飛，因為太攰上機即瞓，不過氣流太勁搖來搖去搞到醒咗。」問到女友陳美詩有否呵番？Eric甜絲絲說：「我忙到唔記得有女朋友。（唔怕佢離開你？）大家都事業為重。」
Eric表示晚上會投入錄音工作，翌日便要到杭州出席活動，問到會否與女友見面？他說：「應該見唔到面，今晚錄嗰首歌歌詞仲未寫好。（叫女友探班？）我錄音唔鍾意有人睇住。」他又大方透露近日只能靠上網與女友聯絡。