楊梓瑤一字一露砌低Mia

昨日Carol、Mia及陶喆前緋聞女友岑潔儀一同為「Solo Building」任剪綵嘉賓，寫真過後曝光率下降的Carol，即施展渾身解數，穿上低胸連身裙，而Mia則只以斜膊裝示人，大為失色！其後大會安排兩人寫下祝賀字句，兩人甫烏低身執筆時，養眼程度更覺高下立見，Carol立即成為全場焦點。事後Carol表示事前已知道要烏低身寫字：「我唔知張枱咁低同埋支筆咁幼要寫咁耐，（搶風頭？）唔係，件衫係大會安排畀我哋。」在旁的Mia亦說：「我哋都唔同路線，我係潮媽，佢係健康性感，而且我今日都有露膊頭同腳呀！」

拒絕翻撻錢景峰

對於台灣女子組合S.H.E成員Selina拍戲燒傷，問兩人工作時可會為靚樣或胸部買保險？Carol說：「其實我哋唔止賣身材，都想畀其他才能觀眾睇，例如演戲或者唱歌。」而Mia亦謂有跟老師學演藝和跳舞來增值。Mia被問到前男友錢景峰疑似情海翻波，兩人可有機會復合？她說：「冇諗喎，我都有新男友啦，佢係生意人，我哋性格幾夾，佢同我啲小朋友都好夾，而且人應該要向前看。」

岑潔儀忙搵人仔

至於岑潔儀就透露榮升老闆娘，專賣男裝及自製iPhone套；又謂生意不錯，開業五個月已經回本，現正計劃在台灣開分店，問到會否請教陶喆意見？她說：「睇吓有冇時間啦，不過都希望佢可以幫吓手！（仲有冇聯絡？）大家各有各忙，近來自己喺內地發展搵人仔。」

文：名人組