草蜢經典串燒high爆紅館
草蜢為慶祝入行25周年，昨晚假紅館舉行演唱會與過萬歌迷慶祝，開騷前揚言「落重料」的草蜢在凹凸不平的舞台上載歌載舞，又高唱近20首經典歌，透視上陣的蔡一傑high爆高呼：「草蜢好愛你哋！」
一連八場《草蜢25週年繼續忘我演唱會2010》昨晚假紅館開鑼，三子以一身白色造型亮相，最性感莫過於蔡一傑的透視裝，胸前兩點有兩塊白色布掩蓋，頭上則戴有白色玫瑰花，蘇志威着Deep V西裝，而蔡一智則以斗篷上陣，各具特色，甫開場三子又唱又跳十多首耳熟能詳的串燒歌，包括《歲月燃燒》、《又愛又恨》及《憑什麼》等，帶領全場歌迷進入高潮，不少歌迷更投入得企起身。
重演當年參賽舞
之後三子高呼：「各位，一九八五年嘅新秀參賽者草蜢仔《一起衝》！」繼而邊唱邊跳出當年的參賽舞步，並連唱近20首經典歌曲，期間近20個Mirror Ball從舞台上空緩緩降到台中間，氣氛熱烈，草蜢唱畢後向觀眾打招呼：「你哋好嗎？等咗年半，相信所有愛草蜢嘅人今晚都嚟齊，我哋一出場你哋就『嘩』個不停，不經不覺唱咗半個鐘！」high爆的蔡一傑亦表示：「容許我講一句，草蜢好愛你哋！」
成軍25年唔簡單
而蔡一智坦言曾擔心「鮎魚」會影響個唱，幸好歌迷的熱情令它知難而退，他又言：「25年真係唔簡單，所以送25首陪住我哋大嘅歌唱畀大家聽！」另外，昨日五時草蜢為個唱進行綵排，對於天公作美，蔡一智笑言：「連個天都想睇我哋個騷！」而好友鄭伊健則穿上草蜢個唱制服為他們拍攝製作花絮，果然夠老友。
昨晚捧場的藝人包括劉美君和男伴、甄楚倩、張徹太太、陳淑芬及其兒子等，而紅館場外亦擺了攤檔售賣各種紀念品，包括售賣二百八十元的紀念Ｔ恤及八十元的草蜢成長紀錄書。
採訪：音樂組