敖嘉年趁勢返內地掘金
無綫藝員梁靖琪（Toby）、滕麗名、敖嘉年及歌星鄧穎芝等昨日出席《兒童心臟健康展覽2010》活動。嘉年近日於《巾幗梟雄之義海豪情》飾演「排骨仔」備受好評，他笑言：「黎耀祥都喺微博寫番句對白：『排骨，你個打靶仔』，自己都覺得好笑。（滿意回響？）滿意呀，內地回響都好大，可能佢哋唔係同步睇到，所以都知有好多人等到凌晨一點上網睇番之前嗰集，點擊率都有百幾萬。」他又笑言希望可以藉這段時間到內地登台搵銀。
另外，有消息指無綫監製梁家樹將被調往邵氏專責電影製作，女兒Toby坦言未看報道，但早前也有記者詢問她。Toby說：「我返到去都有問爸爸，佢話唔係，其實我哋都好少講公事。（擔心爸爸？）冇得擔心，最緊要爸爸開心。」