千嬅瘦身縮胸多衫啱着

位於上海的香港廣場前晚正式開幕，由執行董事兼行政總裁林孝賢主持儀式，千嬅、何韻詩、余文樂、許志安、秋生、王菀之和韓紅、任賢齊助陣撐場。自從演唱會後，千嬅身形明顯消瘦不少，穿上一襲黑色透視裙出現的她大騷身段，性感養眼。

秋生兜錯路忟憎

問到是否因身材變瘦才有信心性感示人？千嬅笑言：「都係架！」不過她自嘲上圍縮水：「最慘瘦咗但又細咗呢，不過瘦咗就好多衫都着到。」問到上圍是否細了一個碼？千嬅笑笑口說：「咁我不嬲都冇乜嘅。」

韓紅和王菀之乘坐勞斯萊斯到場，其他藝人則安排坐房車，但黃秋生坐車時因司機兜錯路，花了不少時間才到場。怒氣未消的秋生甫下車，現場公關即「不識趣」將貼紙貼在他心口，秋生不客氣隨手將貼紙撕下說：「都話唔貼！」但當記者叫他拍照時即面露笑容。

安仔韓紅前後腳

安仔當年曾與韓紅傳出緋聞，兩人前後腳到場。問到安仔在音樂會上可會與韓紅合唱？安仔謂只會在尾聲的全場大合唱，並指大家都是為工作，故不會刻意避忌演出。另外，於十一月十三日生日的余文樂，已獲上海fans送上生日蛋糕預祝生辰，更祝他的籃球隊「橫洲工業」能夠奪冠。

許志安不會刻意避忌與韓紅合作。

余文樂與韓紅畀面撐場。

文：音樂組