錢嘉樂二級燒傷變冇眉包公

雖事隔多年，嘉樂仍記憶猶新，更形容康復期自己的臉容「全冇血色、好恐怖」，經歷整整一年才回復舊觀。他表示刻下自己擔任動作導演，會先拍爆破場面，再安排演員做反應，用電腦合成達理想效果，盡量避免將演員置身險境。而擅長拍爆破場面的導演林超賢，亦坦言以往用遙控器引爆炸藥，不時發生失靈意外，他已改用電線接駁炸藥，睇準時機才按掣，確保萬無一失。

梁琤早年接拍《影子敵人》，疑因炸藥火力太猛至不幸燒傷，最終由右腳盆骨位取出小塊皮膚移植到右手。至於吳辰君昨得悉Selina的意外，亦不禁在微博留言：「燙傷的痛我有過，也被炸藥誤爆傷過，還好都已康復，想到此我更加心痛。」她呼籲所有同業盡可能再多重視安全，將自身傷害減到零。而陳百祥多年前參與無綫台慶演出，亦不幸燒傷雙手及差點毀容，住院超過四十天才告康復。

當年亦因拍戲而受到嚴重燒傷的胡慧中，昨日接受電話訪問時表示燒傷是慘痛經歷，身心都受創，呼籲大家多關心Selina。她說：「我當年醫咗好耐，身體同面部夾埋有30%被燒傷。當時我冇植皮，因為好麻煩，等自然好番，依家仲有疤痕。（當時有冇接受心理輔導？）冇，不過我好辛苦大步檻過。唔理乜人支持，面對嘅都係自己，自己嘅傷係冇人幫，痛楚唔會有人感受得到，尤其是佢咁後生，總之嗰種痛楚好難形容。」