Rosemary冇走樣北京騷孭重飛
本地著名時裝設計師何國鉦（Dorian），前晚與名模Lisa S.、Amanda S.及丁子高盛裝出席Gucci活動。Dorian透露與Rosemary每日以電郵聯絡︰「佢心情唔錯，之前有報道話佢肥咗但我唔覺。」提到月底Rosemary到北京行騷，他稱對方是整個騷的重點︰「今次對佢打入內地市場好有幫助，唔擔心佢被追問負面新聞。」
盼仔女自給自足
Dorian和丁子高見面即密密斟，他謂有意設計男裝，今次除有意購物還可參考設計，而丁子高稱會物色靚手袋送給千嬅製造驚喜。撇下老公吳彥祖的Lisa S.以全黑透背現身，她稱若老公在場必阻止她購物，問到將來有小朋友會否一起shopping，她笑言只會買給自己︰「我想小朋友明白生活唔係咁奢侈，識得自己搵錢買嘢。」
此外，忙於籌備開蛋糕店的Amanda S.身穿灰色晚裝出席，她稱男友看見靚手袋便會買給她，問有否獎勵男友？她說︰「每年生日我都會整啲特別蛋糕畀佢食，佢都有整畀我食，但係味道太差冇食到。」
文：專案組