趙式芝膽大三號波照飛
趙世曾女兒趙式芝最近考獲直升機牌，為爭取足夠的飛行時間，不惜在三號風球下「照常飛行」，認真大膽！她表示最初考直升機牌是為了接載父親，她說：「爸爸同媽咪都有坐過我揸嘅直升機，不過其實我仲係新牌仔，只得100個鐘嘅飛行經驗，要有250個鐘以上飛行經驗先至正式唔使人陪飛。」
至於在三號波下起飛會否有危險？她說：「其實民航署已經規定咗風速太快就唔可以飛，雖然掛緊三號風球，但check過風速係可以飛嘅！不過其實每次飛行過程都會遇到唔同嘅變數，所以無論每次飛之前幾攰，但一喺天空就會成個人醒神晒，好享受！」記者笑問其目標是否成為女飛機師？她笑說：「我依家都係開始階段，不過自己都發覺對飛行愈嚟愈有興趣，其實可以載吓屋企人同朋友，已經好滿足！」