鄺敏慧搵銀乜都做舉足七粒鐘

被舊愛崔建邦一打成名的中巴混血模特兒鄺敏慧(中巴),日前被發現在會展舉行的展覽會中,做負責舉牌的模特兒,一日舉足七個鐘,不怕入場人士指指點點,自言從小捱慣的中巴說:「有得做有收入梗係做,企得辛苦都冇所謂。」

無綫藝人崔建邦涉打前女友模特兒鄺敏慧(中巴)一案完結後,崔建邦和中巴即各行各路,崔建邦迅速復工,而中巴間中出席活動擔任模特兒,以及為有線主持節目。前日本報發現中巴以一身tube dress打扮在會展現身,為《香港國際玩具及禮品展暨亞洲贈品及家居用品展》擔任模特兒,不過她不是行騷,而是全程雙手舉起展示展覽會方向的牌,笑意盈盈的站在大堂。

自認冇架子

其後中巴接受本報電話訪問,對於要做舉牌模特兒,她直認不諱說:「哈!證明我個人冇架子啦!我由細捱到大,唔想一世做打工仔,所以有收入我都會做,舉得辛苦都冇所謂。(係咪因為涉被打案影響工作量,所以接呢類工作?)唔關事,今次酬勞唔錯,又想儲多啲錢為自己鋪路開舖,我唔係冇工開,接咗唔少騷,月底更飛去新加坡幫有線主持節目。(被人認出指指點點感難受?)唔會,我係用自己勞力去工作,唔係唔見得光,所以唔覺得難堪。(有人口花花撩你?)實有,但出於友善就唔怕。」

據知中巴為這個一連四天的展覽舉牌,時薪為約一千元,工作時間由早上十時至下午五時,四天一共賺得約二萬八千元。問到中巴酬勞是否有數萬元?她只說:「當然酬勞OK先至幾辛苦都做啦!」

冇時間拍拖

自言現在單身的中巴承認有追求者,但謂要小心選擇,問到是否有陰影?她說︰「唔關事,我仲後生,唔可以戀愛大過天,工作緊要,拍拖點都要揀清楚好啲。如果要搵男朋友,真係要搵個同我一樣咁忙先得,因為我真係忙到拍拖都冇時間。」

文:名人組