李曼筠疑被虐打拒絕報警
o靚模李曼筠（動漫Maggie）昨日出席網上電台節目，被發現身上出現多處神秘傷痕及明顯刀疤，懷疑被虐打。問到是否因感情糾紛所致？Maggie欲言又止，愈講愈亂，但就不肯報警及供出誰是施虐者，只歸咎自己沒帶眼識人，令事件更添懸疑。
Maggie昨日主持網上電台節目時一直遮遮掩掩，但仍被發現身上有多處傷痕，包括下巴左邊有一圓形瘀痕、左邊鎖骨有被抓傷的結焦疤痕、以及右大髀有兩條接近吋半的刀傷。當記者指出傷痕時，她更刻意以手遮掩下巴瘀傷，又試圖拉低短裙遮掩刀傷。
辯稱玩刀整傷
提到身上多處受傷，Maggie起初眼泛淚光兼言不由衷表示：「唔記得啦！」但之後又說：「今日起身時自己先發現，可能係我畀貓抓到，亦可能係我發夢時打功夫打到自己。」再問大髀為何有兩處刀疤？她竟然說：「我之前自己入廚房玩刀整傷！」
Maggie續稱自己曾學功夫，但最終保護不到自己。問到是否被男友打傷？她突然語重心長說：「我冇拍拖，我接受唔到呢啲痛苦！如果拍拖係痛苦，呢啲快樂我寧願唔要。」再問是否遭人虐打？她欲言又止，但又突然爆了一句：「都已經唔係今日發生嘅事！」現場有人見她不敢講出真相，遂提議她報警，但Maggie說：「我唔想搞大佢。」
沒有帶眼識人
記者就此事聯絡Maggie的公司助手尹小姐，她指早上見Maggie時才發現傷痕，但不知傷處何來。問到會否帶Maggie報案？她說：「唔知道，了解咗事情先。」
事後記者再致電Maggie，問到是否真的被虐打時，她突然聲淚俱下表示：「唔想搞大件事，唔想直接講喇！總之唔係家庭同感情問題！」她又自稱沒帶眼識人：「係我自己識錯人！過咗去就過咗去，唔會有下次！」最後她強調自己現在單身。
此外，原來Maggie早前在Facebook留言：「本來星期一右半身接近癱瘓（指打拳），但已好番，想不到現在更傷，外傷加內傷……點解咁苦？」同時她亦在微博表示希望息事寧人。
文：名人組