伊健祝福BB 珊珊等上契
與林嘉欣五度合作的鄭伊健，得知對方弄瓦之喜表示恭賀，他說：「祝佢和BB身體健康，囡囡好似媽咪咁靚女。（送咩禮物？）秘密！知道嘉欣話會繼續拍戲，好期待，佢係一個好勤力又有潛質嘅女演員，生完BB踏入人生新階段，祝佢演技更上一層樓，期待再次合作。」
星皓恭喜嘉欣
至於伊健的經理人林珊珊，與嘉欣私交甚篤，她說：「恭喜晒，祝BB快高長大，我最近有鋪契BB癮，希望嘉欣繼續生，全部仔女都契晒畀我。（送禮？）送金元寶，因為金價升，送金最實際又保值。（會去探BB嗎？）暫時唔會，因為我好怕凍。最好佢帶埋BB返嚟見大家，否則最快要等BB五、六個月大，待加拿大回暖我才會考慮飛過去探佢哋。因為我冇佢電話，所以我會e-mail恭喜佢！」
與嘉欣有獨家代理合作關係的「星皓」，經理人部負責人王小姐代表公司回應，表示戥嘉欣開心，祝母女平安，BB女健康成長。