林嘉欣B女臍帶纏頸驚險出世

恭喜！恭喜！演藝界又多一樁喜事，林嘉欣上周於加國誕下6磅半女兒，並取名為Kayla，榮升母親的她透露生產過程驚險，B女因臍帶纏頸導致心跳突降，令其臨時要改為剖腹，無法感受自然分娩痛楚。雖然如此，嘉欣不諱言會再接再厲追多個，絕不讓女兒成為家中之最！

嘉欣說見到女兒笑，再辛苦也值得。

於本年6月與廣告導演袁劍偉（Steve）結婚的嘉欣，此後深居簡出在加拿大待產，閒時以繪畫、下廚、游水來打發時間，又與胎兒聊天兼上堂學習湊Ｂ，可謂一切準備就緒，所以即使女兒比原定時間早出世，夫婦二人也應付自如。

老公陪生親剪臍帶

剛為人母的嘉欣，昨日越洋致電本報公布喜訊，透露上周五（15日）於當地醫院順利誕下女兒，BB女重六磅半，而為了感受生產過程的痛楚，原定採取自然分娩，無奈醫生發現胎兒尚未掉頭，心跳更突然下降，故也不敢再以手推肚皮，急急動手術開刀為嘉欣拿出胎兒，丈夫Steve則全程在旁緊握着她的手作鼓勵，及後還親手剪臍帶，幸而女兒也很健康。

問到女兒是否像她般有美人胚子，嘉欣笑哈哈謂：「我都想佢似我，我覺得面、鼻、嘴似，眼睛同手腳就似Steve。」已出院返家休養的嘉欣，現時以母乳餵哺BB，故每兩小時便要起床，雖然體力上較為吃力，但只要女兒一個笑容，內心當堂軟化，即使再辛苦的事也認為值得。

嘉欣透露尚未為女兒取中文名，她說：「我想要國語同廣東話讀起嚟都要好聽嘅，所以未諗好，等爺爺決定，英文名Kayla就係我改，因為我叫Karena，想個女一樣係K字開頭，我成日都話『OK啦！』，咁諗諗吓Kayla都幾好聽就用咗！」

貴為林家首名孫兒，家裏上下當然高興，嘉欣笑指母親已有三十多年沒有抱BB，所以當抱起孫女時異常緊張，而嘉欣妹妹則每天過來看BB，更笑謂:「BB收好多衫，我諗足夠着到兩歲，所以叫身邊朋友唔好再送，不過呢一星期以來，我收到好多朋友恭喜，我覺得好感動同窩心。」嘉欣更指不欲契媽潘迪華長途跋涉辛苦赴加國，故已第一時間把最新情況告知。