蔡慧敏：唔揀我佢損失

蔡慧敏（Joey）最近在美國讀完書返港，即被指搭上楊紫瓊胞弟楊南日，雖然弄致滿城風雨，但Joey卻人氣上升，早前到台灣出席慶祝晚會擔任表演嘉賓，在台上獻唱。

曾跟名師學唱歌

原來Joey曾跟過不少猛人的歌唱老師如戴思聰、羅文、陳潔靈等學唱歌，有名牌掛帥，唱功應該不會太差，她笑說：「都OK啦！無綫藝人好鍾意登台，唔想上台失禮，我都會跟老師學習正統歌唱技巧，每次出台唱三至八首歌，觀眾反應都唔差。」Joey為練歌亦曾下過一番苦功，她說：「有段時間每朝起身練丹田，又喺屋企添置咗部卡拉OK日日練唱，仲要跑步同游水，每次做運動起碼一個鐘頭，咁先有效果。」

Joey在台灣除工作外，亦趁機留多幾天吃喝玩樂，問到有沒有艷遇？她說：「冇，只係搵番之前同一經理人公司嘅師兄食飯。」她表明不想再談楊南日，但仍冀望將來可以找到好老公，她笑說：「依家都有人追，係女仔都想搵個高大、靚仔、有錢、有學歷同有事業，我唔怕啲緋聞會嚇怕男仔，因為我好信緣分，唔揀我可能係佢哋嘅損失。」

在美發場開心夢

返港後密密接job的她希望有機會可嘗試做生意：「其實我未返香港已經有人搵我登台、拍婚紗廣告，好開心原來仲有人記得我，命運咁安排都冇辦法！」她準備將工作大本營回歸香港，她說：「去美國讀咗幾年經濟學，但遇上經濟衰退，搵唔到工，當喺嗰邊發咗場開心夢，令眼光廣闊咗。」

文：專案組