周秀娜醉high床戰林峯

周秀娜於新片中飾演社會新鮮人，投身於婚禮策劃公司，成為楊千嬅的手下。對於角色，娜姐表示自己與她有點相似：「嗯……我個角色其實係個好天真、對愛情好有憧憬嘅人。雖然我信愛情，但我會同時存在理性。」

拒做第三者

曾多次穿婚紗行騷及拍廣告的娜姐會否已對婚紗麻木？她表示：「工作始終只係工作，我會將自己最開心同期待嘅心情留番喺真正結婚嘅時候，而結婚生仔一定會係我人生其中一個階段！」至於新片角色要周旋於男女主角間，娜姐表示現實一定不會當第三者：「除非係我唔知情啦！但就算係咁，我都會好似戲入面咁選擇放棄。」

早前曾傳出娜姐與千嬅鬧不和，二人居然在不同場合異口同聲表示這只是宣傳伎倆，究竟她對千嬅有何印象？娜姐沒有正面回應，只說：「我同佢都係潮州人，相處得好好，拍劇氣氛都好開心。」

隊酒助放鬆

在戲中與林峯有激烈床戲的娜姐，自爆該幕是煞科後才加的戲碼：「導演認為我同林峯嗰條線唔夠深刻，佢有同我哋商量過，我都覺得有加戲需要。」首次挑戰親熱床戲的娜姐表示事前未有取得男友同意，更大爆林峯聽導演解釋戲份時聽到「耳仔紅晒」！娜姐又透露劇組細心為他們準備紅酒白酒，讓他們放鬆心情：「都真係有用o架，不過拍嗰陣都要清場，加上導演幫我哋入戲，成個過程好自然，唔尷尬。（林峯有冇反應？）冇，大家都係專業演員。」

娜姐今年拍了四部電影，認為這是重要一年，因她終於能實現當演員的夢想！片約不斷的她表示滿意現在的工作模式，亦無意退出模界。

文：影視組　攝：黃叔榮

化妝：江中平＠A&V makeup school

服飾：Joy Rich

髮型：Lobo Chung@Chin.G