關錦鵬出力培育新血
導演關錦鵬在新作《用心跳》中，起用十八位新人演出，對導演來說是一大考驗，這批來自上海音樂學院和上海戲劇學院的學生，都有舞台演出經驗，但阿關說：「當真正埋位，成班年輕人做群戲時，佢哋嘅表情同演繹都差唔多，因為佢哋都係跟幾個老師學戲，所以我要慢慢調教佢哋，好在佢哋好快上手，演出好順利。」
阿關坦言執導《用》片，希望發掘更多內地新演員，令他們有機會在藝術和電影圈發展：「中國市場咁大，點止章子怡、李冰冰和范冰冰？佢哋只欠一個機會！」問到如何說服劉嘉玲、梁家輝等人客串演出，阿關說二人都很認同他的做法，希望可以有更多內地新一輩演員發揚光大：「嘉玲同家輝仲分文不收，友情搭夠。」他為培育新一代演員已行出第一步，不知若干年後有沒有人像他一樣做同樣的事，他為中國電影總算出過一分力。