熊黛林返港攻城互送生日禮物
離港個半月的名模熊黛林，昨日出席BCBGMAXAZRIA藝術展時，穿上性感tube dress，勁晒久違了的事業線，在外地過生日的她，揚言好掛住打邊爐，而下周二緋聞男友郭富城生日，問她會否與城城慶祝，兼順道補祝自己生日？她說：「我唔想講大話，唔好問我啦，（城城話會同所有人食飯？）睇到時得唔得閒，返嚟之後好忙，好多嘢做，遲啲要返南京，不過一定會買生日禮物畀佢，（城城有冇送生日禮物畀你？）有，但唔講得係乜，（城城話你係佢生命好重要嘅人？）冇留意，佢係我好重要嘅朋友，因為香港好少朋友，會當朋友係家人一樣。」但她承認留港至城城生日後才飛台灣及南京。
另外，單拖出席的謝婷婷，雖然男友不在身邊，但仍隔空大晒恩愛，笑指男友甚麼也為她心痛；對於父親謝賢另結新歡一事，她踢爆說謝賢與女友從未分手，叫大家不要信謝賢，也不介意父親再婚。
