千嬅咀林峯丁子高眼冤
楊千嬅在新片中與林峯有不少激吻戲份，前晚首映禮上丁子高低調與母親入場欣賞，事後他以「怪怪哋」來形容看到老婆接吻時感覺，又表示希望千嬅轉拍武打片。
楊千嬅、林峯和周秀娜主演的新片《抱抱俏佳人》前晚舉行首映禮，吸引大批無綫藝人出席，包括林欣彤、徐子珊、梁政珏等，而丁子高則瞞住老婆千嬅與母親低調入場，首映完結後，丁子高獨個兒踩場現身派對。
「拍武俠片好啲」
問到看到太太在戲中與林峯激吻戲時的感覺如何？丁子高尷尬說：「好特別，怪怪哋咁。佢（千嬅）演得好好，好放。佢唔知我嚟o架，可能怕我坐佢隔籬，一睇到啲鏡頭就望住佢，會搞到我唔專心睇戲。」
丁子高承認太太拍接吻戲時不會到現場探班，覺得還是看電影比較好，他說：「我以為有啲場口會伸埋脷錫，搞到我有幾幕都扮電話，令自己分心唔睇。」問到是否已到了對太太演出的底線？他笑說：「佢可能拍武俠片好啲，佢食過吓夜粥，掌風會好啲。」
被批兩年抱三
首映禮上楊千嬅被麥玲玲批可以「兩年抱三」，嚇得千嬅大叫：「師傅，你知唔知我咩年紀呀？」現場她又預演拋花球預測票房。對於婚事，她透露全權丈夫負責，又笑言現在太瘦，擔心到時冇得托胸之餘連骨都無得托，但不會接受豐胸贊助，只希望老闆能送層樓給她作禮，她說：「佢嫁女都要嫁妝啦！」
林峯被問到對票房的期望，他說：「我一向都唔知票房嘅標準。（加片酬？）我一向都唔知自己幾多，樂易玲覺得我啱嘅工作我就做，我係電影新人會盡量爭取。」
文：影視組