雯女講明冇獎攞唔現身
《巾幗梟雄之義海豪情》前晚首播，但首集收視先輸給《公主嫁到》，看來兩劇要直鬥到終點，才分得出勝負。而鄧萃雯更直言攞不到視后獎，一於唔現身支持。
《巾幗２》前晚首播收視平均32點，觀眾人數約204萬，最高36點，觀眾人數231萬，相比《巾幗梟雄》第一集的27點，已有大進步，惟仍比早前播映的《公主嫁到》稍遜，還看是否好戲在後頭！
開兩圍睇首播
正趕拍《天天天晴》的黎耀祥認為有此成績是好開始：「呢個時段播算係咁，好多朋友話趕唔切返屋企睇，相信九點後嘅收視會好啲。」前晚他與雯女合資筵開兩席，與台前幕後同事一同欣賞首播，祥仔坦言望可以高開37、38點，問他上次承諾「唔好睇執牛屎」，會否再突破承諾？他說：「上次係監製李添勝一時豪語，我哋做o靚嘅梗係要撐啦！」雯女也望收視如祥仔所言，最好能吸引觀眾趕返屋企收看。對「視后」爭奪戰，勁敵佘詩曼預告在外地拍劇未必能出席頒獎禮，雯女豈非勝算大增？她笑說：「如果阿佘攞，公司都要佢返嚟啦！（你出唔出席？）入唔入圍都未知。（唔入圍會返嚟支持？）坦白講係唔會！我都喺橫店拍緊劇，返嚟要度期o架。」
讚好戲彈穿崩
黃浩然昨日為女性醫學美容集團拍廣告，他不大滿意劇集首播得32點，認為可以更好，不過他有信心會好：「唔會畀添哥返去執牛屎！」另外，惠英紅上周在微博表示母親入院，並於周一完成手術，小紅向作出祝福的《巾幗２》全體演員致謝。
此外，不少網民在討論區熱烈討論《巾幗２》，指劇集以倒述法方式拍攝不當，又質疑其中一幕數銀紙的鏡頭，竟發現紙幣面額高達一百元。又指麥包所戴的頭盔不應在該年代出現，而黃浩然一句對白「騎呢人」的潮語，令人摸不着頭腦。不過大讚雯女與劉江的爭拗戲，大鬥爐火純青演技。
文：影視組